Pas eliminimit të Borussia Dortmund me rezultat të përgjithshëm 4-2, Manchester City ka kualifikuar në gjysëmfinale të Ligës së Kampionëve.

Me këtë fitore, Pep Guardiola është bërë trajneri me më së shumti paraqitje në gjysëmfinale të Ligës së Kampionëve (8), së bashku me Jose Mourinhon, raporton lajmi.net.

Guardiola ka fituar 2 trofe të Ligës së Kampionëve, të dyja me klubin e Barcelonës.

Rekord të njëjtë ka edhe portugezi Jose Mourinho, ku ka arritur që me FC Porton dhe FC Interin të fitojë nga një Ligë të Kampionëve respektivisht.

Guardiola ka mundësi që të barazohet me Bob Paisley, Carlo Ancelotti dhe Zinedine Zidane, të cilët janë trajnerët e vetëm me nga 3 trofe të fituara.

Megjithatë, Zinedine Zidane mund të bëhet gjithashtu trajneri i vetëm që arrin të fitojë 4 trofe të Ligës së Kampionëve.