Kryeministri Edi Rama ka publikuar pamjet e punimeve në Rrugën e Arbrit, Ura Fshat.

Me anë të një postimi në Facebook, thotë se përfundimi i urës më të lartë në Shqipëri, 157 metra dhe bajpasi i Murrizit lidh të gjithë aksin e rrugës së Arbrit.

“Edhe pak durim dhe ëndrra 100 vjeçare e dibranëve do të jetë realitet i prekshëm nga të gjithë”, shkruan Rama.

Postimi i plotë:

Ja edhe ura më e lartë në Shqipëri (157 m) dhe një nga më të lartat në rajon!

Për këtë vepër shumë komplekse u desh të hapen fillimisht, tuneli 3 dhe 4, që pastaj të ngriheshin themelet e saj.

Me përfundimin e kësaj ure dhe me ndihmën e bajpasit të Murrizit, tanimë i gjithë aksi i rrugës së Arbrit është i lidhur

Edhe pak durim dhe ëndrra 100 vjeçare e dibranëve do të jetë realitet i prekshëm nga të gjithë.