Në kuadër të operacionit të sotëm të Prokurorisë Speciale të Republikës së Kosovës, janë arrestuar edhe dhjetë (10) persona të tjerë si dhe gjatë kontrollit të disa lokacioneve janë sekuestruar edhe njëmbëdhjetëmijë (11.000 ) euro.

Ky aksion u realizua nga Prokuroria Speciale dhe Policia e Kosovës, Drejtoria për Hetimin e Krimit të Organizuar në bashkëpunim të ngushtë me hetuesit policor dhe prokurorët e Prokurorisë së Përgjithshme në Bamberg – Gjermani, ka bërë të ditur Prokuroria Speciale e Kosovës.

Vlen të theksohet se deri më tani nga ky operacion janë arrestuar tetëmbëdhjetë (18) persona, si dhe janë sekuestruar gjashtë (6) vetura, 160.300 euro dhe një numër i konsiderueshëm i kompjuterëve, serverëve dhe telefonave mobil e të cilët janë shfrytëzuar për kryerjen e veprave penale.

Të gjithë të dyshuarit e arrestuar me urdhër të Prokurorit të Shtetit  janë dërguar  në mbajtje.

Po ashtu, në linkun e bashkangjitur gjeni komunikatën e lëshuar nga Prokuroria Speciale, gjatë ditës së sotme lidhur me aksionin e njëjtë./arbresh.info/

LEXO EDHE:

Aksioni nëpër “Call Center”, sekuestrohen 6 vetura, rreth 150 mijë euro kesh e pajisje kompjuterike – Arbresh.info