Pretendentia për postin e Presidentit, Vjosa Osmani, ka ngushëlluar familjen e aktorit të ndjerë, Rasim Thaçi-Cima, më rastin e vdekjes së tij.

Përmes një postimi në facebook, Osmani ka shkruar se sot Kosova u varfërua, mbeti pa ikonën e humorit, aktorin dhe njeriun e mirë që na fali shumë kujtime, raporton arbresh.info

Postimi i plotë:

Me pikëllim të thellë sot pranuam lajmin e ikjes së aktorit dhe humoristit të madh Rasim Thaçi-Cima. Humori i tij ishte dritë edhe në ditët tona më të errëta, ishte rezistencë ndaj sistemit shtypës, ishte shpresë për ditë më të mira!

Ai na bëri të qeshim gjithë jetën e tij. Ne sot jemi të pikëlluar, sepse ikja e Cimës do ta lë një zbrazëtirë të madhe. Por, ne do ta kujtojmë përherë me mall humorin e tij!

Ngushëllime familjes, miqve, kolegëve dhe gjithë popullit të Kosovës!/arbresh.info/