Kryetari i AKR-së, Behgjet Pacolli  përmes një postimi në llogarinë e tij në Facebook ka reaguar me rastin e 22 vjetorit të ndërhyrjes së NATO-s kundër Serbisë.

Pacolli ka thënë se intervenimi i NATO-s 22 vjet më parë ishte një ngjarje që hapi rrugën për çlirimin dhe pavarësinë e Kosovës, transmeton arbresh.info

“Ishte një akt i jashtëzakonshëm humanizmi dhe një mesazh i qartë nga bota demokratike për regjimin e Millosheviqit që tregon se bota e civilizuar ishte e vendosur për të ndaluar me të gjitha mjetet krimet e tmerrshme kundër civilëve shqiptarë në të gjithë Kosovën”, ka shkruar Pacolli.

Postimi i plotë pa ndërhyrje:

Fillimi i sulmeve ajrore të NATO-s kundër caqeve ushtarake serbe 22 vjet më parë ishte një ngjarje e madhe që hapi rrugën për çlirimin dhe pavarësinë e Kosovës. Ishte një akt i jashtëzakonshëm humanizmi dhe një mesazh i qartë nga bota demokratike për regjimin e Millosheviqit që tregon se bota e civilizuar ishte e vendosur për të ndaluar me të gjitha mjetet krimet e tmerrshme kundër civilëve shqiptarë në të gjithë Kosovën. Ne jemi përgjithmonë mirënjohës!