Rexhepi: Në parim Besa kundër propozimit të Zaevit për Qeveri të zgjeruar

13:41 | 8 Mars 2021
V. S.

Lëvizja Besa në parim nuk e mbështet idenë e kryeministrit Zaev për Qeveri të Zgjeruar. Kastriot Rexhepi tha se Qeveritë e zgjeruara ku përfshihen të gjitha subjektet politike janë në raste krize.

Ai tha se opozita është një faktor i rëndësishëm dhe në këtë rast nuk do të kemi opozitë.

“Mendojmë që Qeveritë e zgjeruara ku përfshihen të gjitha subjektet politike zakonisht janë në raste krize kur nuk funksionojnë institucionet apo kur është rasti për krizë më të madhe. Për momentin nuk është ajo gjendje kështu që nuk shohim arsye, pse përveç se shprehet një vullnet të për kyçjen edhe subjektet tjera dhe mendojmë që opozita është faktor i rëndësishëm dhe në këtë rast do të kishim ngel pa opozitë”, deklaroi për TV21, Kastriot Rexhepi nga Lëvizja Besa.