Favoritët për ta fituar Ligën e Kampionëve, Bayerni i treti

19:00 | 16 Shkurt 2021
A. B.

Ditën e sotme rikthehet Liga e Kampionëve, ku do të luhen dy ndeshje për fazën e 1/8-ve, Barcelona-PSG dhe Leipzig-Liverpool.

Tashmë që skuadrat e këtij kompeticioni do të rikthehen në fushë, të shumtë janë ata që mundohen të gjejnë favoritët për të fituar trofeun në fund.

Së fundmi ka qenë “FiveThirtyEight”, që në bazë të statistikave të këtij sezoni, ka treguar skuadrat favorite për trofeun.

Manchester City shihet si skuadra me më shumë mundësi për të fituar Ligën e Kampioneve në fund, me 37%, ndërsa për çudi pas skuadrës së Guardiolës është Barcelona favorite me 13%, ndërsa kampionët e sezonit të kaluar, Bayerni, renditen të tretët me 11%.

Pas tyre vijnë Liverpooli me 7%, Real Madridi me 6% e kështu me radhë. /Gazeta Express/