Haradinaj: Presidenti Biden është mik besnik i Kosovës, fat ta njoh dhe të ndërtoj miqësi me të

20:59 | 5 Shkurt 2021
Gita

Kandidati për president njëherazi kreu i AAK-së, Ramush Haradinaj, ka kujtuar takimin me presidentin amerikan Joe Biden.

Haradinaj ka postuar në profilin e tij në Facebook një video nga takimi i para disa viteve me Biden, duke thënë se presidenti Biden është mik i Kosovës dhe se ka pas fatin ta njoh dhe të ndërtojë miqësi me të .

“Presidenti Biden është mik besnik i Kosovës dhe unë pata nderin të ndërtoja një miqësi personale me të, bazuar në besim dhe respekt, shumë vite më parë”, ka shkruar Haradinaj.

Ai tha se Kosova ka nevojë për një partneritet të fortë me Amerikën

“Si President nuk do të lejoj askënd ta dëmtojë këtë besim dhe miqësi, por do të forcojë edhe më tutje lidhjet me aleatët tanë për një Kosovë të fortë e të sigurt”, ka theksuar ai.