Portieri i Ajax, Andre Onana, është pezulluar për 12-muaj për shkak të dështimit në teste të dopingut, me ekipin që pretendon se numri 1 i tyre ka marrë aksidentalisht barna të përshkruara për gruan e tij, raporton Goal.

Ekipi nga Eredivisie zbuloi që Kamerunasi është ndëshkuar nga UEFA pasi që u gjet substanca e ndaluar (Furosemide) në urinën e tij, pas testit të kryer në nëntor 2020.

Suspendimi për shkak të dopingut është efektiv nga 5 shkurti dhe aplikohet për të gjitha aktivitetet e futbollit.

Një deklaratë në faqen e internetit të Ajax thotë: “Ne mëngjesin e 30 nëntorit, Onana nuk po ndjehej mirë. Ai dëshiroi të marrte një pilulë për të lehtësuar parehatinë. Megjithatë, pa e ditur, ai mori Lasimac, një bari i cili i është përshkruar më parë gruas së tij.

“Konfuzioni i Onanas rezultoi me marrjen e barit të gruas së tij, duke shkaktuar që UEFA të marrë këtë masë ndaj portierit.

“Për më tepër, trupi disiplinor i asociacionit të futbollit ka deklaruar që Onana nuk kishte ndonjë synim të mashtronte. Megjithatë, Asociacioni Evropian i Futbollit beson që në bazë të rregullës anti-doping, atleti ka për detyrë që në çdo kohë të sigurojë që asnjë substancë e ndaluar të mos hyjë në trupin e tij.”

Ekipi holandez, që për momentin janë 7 pikë larg vendit të dytë në Eredivisie, konfirmoi që do të apelojnë vendimin në Gjykatën e Arbitrimit për Sport./arbresh.info/