Gruaja japoneze ‘e mbajti trupin e nënës në frigorifer për 10 vjet’

08:20 | 30 Janar 2021
Trina Galanxhi

Policia në Japoni ka arrestuar një grua pasi trupi i nënës së saj të vdekur u zbulua në frigorifer, në banesën e saj.

Yumi Yoshino, 48, tha se ajo e gjeti nënën e saj të vdekur dhe e fshehu trupin 10 vjet më parë sepse ajo “nuk donte të largohej nga ajo”, prandaj edhe e mbajti në shtëpinë e tyre në Tokio, raportuan mediat lokale, shkruan BBC, transmeton portal arbresh.info

Policia ka deklaruar se nuk ka pasur plagë në trupin e ngrirë të viktimës.

Autoritetet nuk mund të përcaktojnë kohën dhe shkaqet e vdekjes së gruas.

Trupi besohet se u zbulua nga një pastruese, pasi zonja Yoshino ishte detyruar të linte banesën për shkak të mungesës së pagesave të qirasë.

Yoshino u arrestua të premten në një hotel në qytetin Chiba, afër Tokios./arbresh.info/