Policia hollandeze ka përdorur topa të ujit për të shpërndarë rreth dy mijë njerëz që kanë protestuar në një protestë të paautorizuar.

Protesta e mbajtur në Amsterdam kishte për qëllim kundërshtimin e masave të reja izoluese, me qëllim të parandalimit të përhapjes së koronavirusit, transmeton portal arbresh.info

Protestuesit u mblodhën në një shesh përpara galerive të artit Muzeu Rijksmuseum dhe Van Gogh, duke mbajtur tabela me leximin “Liri: ndalo këtë rrethim” dhe duke brohoritur “Çfarë duam? Liri! ”, raporton Reuters.

Askush nga protestuesit nuk mbante maska, të cilat janë të detyrushme në Hollandë dhe distance sociale nuk është respektuar.

Demonstruesit nuk pranuan të largoheshin kur policia u tha atyre ta bënin këtë, dhe disa hodhën fishekzjarre.

Qeveria mbylli shkollat dhe shumicën e dyqaneve në dhjetor në përpjekje për të ndaluar një rritje në rastet e COVID-19 dhe këtë javë zgjati bllokimin me të paktën tre javë të tjera.

Hollanda, në fazën e dytë të pandemisë, është detyruar të marrë masa të rrepta për parandalimin e Covid-19, pasi infeksioni është duke u përhapur shprejt dhe nëpër spitale është duke u rritur presioni për shkak të numrit të lartë të pacientëve./arbresh.info/