Në raportin e Gjykatës Kushtetuese lidhur me vendimin për shpalljen e pavlefshme të votës së Etem Arifit, janë përfshirë edhe rekomandimet që ka përcaktuar Komisioni i Venecias lidhur me rastin.

Raporti i Komisionit të Venecias për Legjislacionin Zgjedhor dhe Administrimin e Zgjedhjeve në Evropë trajton çështjet kryesore përkitazi me legjislacionin zgjedhor dhe administrimin e zgjedhjeve në Evropë. Në pjesën relevante të këtij

Raporti, lidhur me humbjen e mandatit të të zgjedhurve, Komisioni i Venecias përcaktoi më sa vijon:

“[…]
78. Nuk është e rrallë që për shkak të një dënimi penal për një vepër serioze, individëve të iu mohohet e drejta për t’u kandiduar për zgjedhje. Megjithatë,
mund të jetë problematike nëse e drejta pasive e votës mohohet në bazë të një dënimi, pa marrë parasysh natyrën e asaj vepre. Një ndalesë e përgjithshme mund të mos jetë në harmoni me Konventën e Evropiane për të Drejtat e Njeriut. Sa i përket Ligjit për Zgjedhjet e Deputetëve të Ukrainës, për shembull, Komisioni i Venecias rekomandon që ligji duhet të garantoj mbrojte më të madhe të të drejtave të kandidatëve, duke përfshirë largimin e ndalesave të përgjithshme dhe të paqarta për kandidatët që kanë dënime penale (shih CDL-AD(2006)002, parag. 16 [17] dhe 100[101]). Rekomandimi i OSBE-ODIHR-it që e drejta për të qenë kandidat duhet të kthehet për ata që janë dënuar dhe pastaj janë falur pas trazirave post-elektorale të vitit 2003
në Azerbajxhan, shkon në të njëjtin drejtim.

79. Në anën tjetër, nuk do të ishte e duhur të mos parashihet (apo të mos zbatohet) asnjë kufizimi për përshtatshmërinë për t’u zgjedhur për kryesit e
veprave panele. Për shembull delegacioni i Kongresit të Çështjeve Lokale dhe Regjionale të Këshillit të Evropës, ishe i shqetësuar lidhur me validitetin e kandidaturës për zgjedhjet e lokale të vitit 2005 në “Ish Republikën Federale të Maqedonisë”. Një Kryetar Komune kishte mundësi të garonte për Kryetar përkundër që ishte dënuar nga gjykata me 4 vjet burgim për një gamë të gjerë vjedhjesh” (shih Raportin e Komisionit të Venecias për Legjislacionin Elektoral
dhe Administrimin të Zgjedhjeve në Evropë, paragrafët 78 dhe 79).”