Gazetari i njohur shqiptar, Marin Mema thotë se kufijtë detarë të Shqipërisë nuk mund ti vendosë apo zgjidhë Greqia dhe as politika shqiptare, as “Haga” dhe “bijëzat” e saj.

Ai, përmes një postimi në Facebook, ka shkruar se duhet transparencë, transparencë e plotë e jo për politikë e përfitime sepse kombi nuk është politikë, raporton arbresh.info.

“Kufijtë detarë të Shqipërisë nuk mund ti vendosë apo zgjidhë Greqia dhe as politika shqiptare, as “Haga” dhe “bijëzat” e saj. Duhet transparencë, transparencë e plotë e jo për politikë e përfitime sepse kombi nuk është politikë. Transparencën duhet ta bëjnë ekspertët, ata të vërtetët që nuk kanë lidhje me politikën, e që interesat kombëtare nuk i shesin për asgjë në botë”, është shprehur Mema.

Ai, ka thënë se është fakt se Shqipëria po mbushet me varreza, e shteti nuk mundet as të ngre një memorial jo larg Tepelenës për të përkujtuar 217 hormovitë të masakruar në 1914.

“Një projekt i mikut të nderuar Meçan Zotaj ende pret…”, ka shtuar ai.

Mema, ka pohuar se shqiptarët e Çamërisë nuk kanë të drejtë as të derdhin një pikë lot në pragjet e shtëpive të tyre, as një pikë lot në ato toka ku lanë të parët e tyre.

“Asnjë pikë lot e jo më të kërkojnë memorialë. Kjo nuk është njerëzore e nuk ka aspak lidhje me nacionalizmin ekstrem e britmat që fshihen pas. Nuk është njerëzore. Është e dhimbshme, është e pafalshme. E kur vjen puna në këtë pikë të gjithë heshtin, politika greke e hesht politikën tonë sepse tek ne të gjithë janë të gatshëm të japin diçka nëse kjo u jep pushtet e përfitime. Kjo është e vërteta”, ka përfunduar ai./arbresh.info/