Gjatë kësaj jave borë dhe rënie të temperaturave

07:15 | 21 Dhjetor 2020
Arbresh.info

Instituti Hidrometeorologjik i Kosovës bën të ditur se sot, në 11:02 fillon stina e dimrit.

IHK njofton se edhe pse gjatë ndërrimit të stinëve shpesh herë kemi çrregullime në Troposferë, një gjë e tillë nuk parashihet të ndodhë deri në fundjavë.

“Do të mbajë mot i vranët dhe me intervale kohore me diell. Sa i përket temperaturave maksimale ato vazhdojnë të mbeten mbi vlerat e normales për pesë ditë të ardhshme. Minimalet do të lëvizin ndërmjet -2 deri 1 gradë Celsius, ndërsa maksimalet e ditës parashihen të lëvizin ndërmjet 5-10 gradë Celsius”.

Ndërkaq, nga fundjava pritet të ketë kushte tjera meteorologjike, vranësira të dendura të cilat parashihen të sjellin reshje bore.

Kjo situatë e krijuar do të ndikojë në rënien e temperaturave minimale deri -6, -7 gradë Celsius.

Do të fryjë erë nga jugperëndimi dhe veriperëndimi me shpejtësi 1-8 m/s.