Vaksina e Moderna mbërrin në New York, policët do të fillojnë të vaksinojë zyrtarët e saj

13:11 | 17 Dhjetor 2020
Gita

Policia e New York-ut do të fillojë të vaksinojë zyrtarët e saj brenda dy javëve, dhe gjithçka do të bëhet në baza vullnetare, shkruan New York Post.

Policia do të krijoj tri “punkte” ku mund të vaksinohen në New York, e atyre do t’ju ofrohet vaksina e Moderna duke filluar nga 29 dhjetori, transmeton Telegrafi.

Zyrtarët policorë hyjnë në grupin e parë të qytetarëve që do të vaksinohen në New York, kurse për ta janë siguruar mbi 500 mijë doza.

Komandanti i policisë në New York, Dermot Shea, ka thënë se vaksinimi do të bëhet në baza vullnetare, “ngjashëm sikurse vaksinimi kundër gripit sezonal”.

Kohë më parë ishte kërkuar që vaksinimi i policëve në Nju Jork të mos jetë i obligueshëm, e pikërisht për këtë do të bëhet në baza vullnetare.