Presidenti i Republikës së Maqedonisë së Veriut, Stevo Pendarovski nuk planifikon të thërrasë takim liderësh.

“Edhe vetë kryetari i OBRM-PDUKM-së, Hristijan Mickoski në deklaratën për mediat thotë se presidenti i shtetit nuk është lider i ndonjë partie politike, ndërsa ai kërkon konvokimin e takimit me liderët e partive”, theksojnë nga kabineti i Pendarovskit.

Kryeministri dhe kryetar i LSDM-së, Zoran Zaev dje paralajmëroi mbajtjen e një takimi të liderëve deri në fund të këtij viti. Tha se pret ta konvokojë shefi i shtetit Stevo Pendarovski, por nëse nuk ndodhë kjo, ai do ta ndërmarrë këtë nismë.

Kryetari i OBRM-PDUKM-së, Hristijan Mickoski paralajmëroi se partia e tij nuk do të marrë pjesë nëse takimin e liderëve e organizon presidenti.

Edhe Zaevi, edhe Mickoski dakordohen se në takimin e liderit duhet të bisedohet për krizën nga coronavirusi, eurointegrimet dhe çështje të tjera me interes për qytetarët.