Anglia do të fillojë të paguajë qytetarët e saj që testohen për koronavirus.

Vlera e pagesës do të jetë 500 pound, rreth 550 euro, në mënyrë që qytetarët të izolohen pasi të kenë marrë njoftimin nga sistemi për testimin dhe monitorimin e Covid-19.

Paratë tashmë janë në dispozicion për njerëzit që ishin urdhëruar të izolonin veten përmes një programi për gjurmimin e kontakteve përmes telefonit, postës elektronike ose mesazhit, por jo përmes një aplikacioni për shkak të anonimitetit, raporton Reuters, transmeton portal arbresh.info

Çdo individ që merr një paralajmërim për vetë-izolim në aplikacion tani mund të regjistrojë të dhënat e tij në mënyrë që të marrë pagesa, njoftoi shërbimi.

Shkencëtarët: Të infektuarit me koronavirus mund të kenë probleme me ereksionin

Mbrojtja e fortë e privatësisë së përdoruesit ishte një kërkesë kryesore e vendosur nga Apple dhe Google kur ata vunë në dispozicion teknologjinë për të zhvilluar aplikacione për të gjurmuar kontaktet e njerëzve të infektuar me Covid-19.

Përdoruesit e aplikacionit nuk kanë nevojë të fusin të dhëna personale kur regjistrohen për të përdorur aplikacionin, që do të thotë se kërkesat e njoftimit të vetë-izolimit të krijuara automatikisht nuk janë detyruese.

Përdoruesi do të mbetet anonim pasi të marrë njoftimin nëse nuk dëshiron të kërkojë para, njoftoi shërbimi.

Ndihma financiare është krijuar si një nxitje për njerëzit që të qëndrojnë në shtëpi kur marrin rezultate pozitive pas testimit për koronavirus dhe kjo po ndodh me qëllim që të ndalohet përhapja e infeksionit.

Britania e Madhe ka qenë një vatër e nxehtë e koronavirusit gjatë valës së dytë të infeksionit./arbresh.info/