Disa klube nga Liga Premier mund të refuzojnë që tifozët të rikthehen në stadiume, shkaku i pandemisë me coronavirus, por edhe mos përkrahje së atyre që janë mësuar të luajnë para përkrahësve të tyre të flakët.

Të hënën e kësaj jave u bë e ditur se Ministria e Shëndetësisë në Angli do të lejojë në maksimum katër mijë tifozë të futeshin nëpër stadiume nga muaji dhjetor.

Por, Mail Sport raporton se shumica e klubeve nga Liga Premier nuk do të pajtoheshin me këtë gjë, shkaku i shpenzimeve për të pastruar stadiumin, mbikëqyrja për distancë për coronavirus.

Është bërë e qartë se një klub duhet të shesë së paku dhjetë mijë bileta, për t’i mbuluar shpenzimet që bëhen me futjen e tifozëve në stadiume.

Klubet kanë kërkuar që stadiumet të mbushen për 25%, në mënyrë që t’i mbulojnë shpenzimet që bëhen për një ndeshje.

Por, një gjë e tillë është refuzuar nga autoritetet, shkaku që nuk do të mund të mbikëqyreshin turmat e njerëzve.

Andaj, shumica e klubeve nga Liga Premier po refuzojnë që tifozët të rikthehen në stadiume, pasi mund të futen në një krizë të thellë. /Telegrafi/