Fillimi i seancës për menaxhimin e pandemisë COVID-19, ka filluar më akuza.

Ishte deputeti i LDK-së, Arben Gashi ka akuzuar kryesuesen e seancës, Arbërie Nagavci, se Kryesia e Kuvendit nuk e ka njoftuar fare ministrin e Shëndetësisë dhe kryeministrin e kabinetin qeveritar për seancën e sotme.

“Kjo seancë është thirrë duke vendosur në lajthitje mbledhjen e Kryesisë dhe anëtarët e Kryesisë. Nuk është hera e parë, në mbledhje të kryesisë kemi diskutu gjatë për këtë seancë, ka qenë kërkesë individuale e anëtares së Kryesisë që të jetë një seancë në Kuvendin e Kosovës ku do të debatohet për pandeminë. Është konstatu se për të pasë një seancë të Kuvendit, duhet të ketë një ftues, a është e rregullt, a është e jashtëzakonshme, etj”, ka thënë Gashi.

Pas kësaj ka reaguar Nagavci, duke lexuar pjesë nga transkripti i mbledhjes së Kryesisë së Kuvendit./arbresh.info/