Drejtori i Organizatës Botërore të Shëndetësisë, Tedros Adhanom Gebrejesus, deklaroi sot se vetëm vaksina nuk do të ndalojë pandeminë e koronavirusit.

Tedros tha se, megjithëse vaksina është e nevojshme për të vënë nën kontroll pandeminë, ajo është vetëm një shtesë e mjeteve të tjera në luftën kundër pandemisë, por që nuk mund t’i zëvendësojë ato, transmeton portal arbresh.info

Drejtori i OBSH-së theksoi se, kur bëhet fjalë për ofertën fillestare të kufizuar të vaksinave, përparësi do t’u jepet punonjësve shëndetësorë, të moshuarve dhe grupeve të tjera të rrezikut.

Britania do të furnizohet me 5 milion doza të vaksinës Moderna

Ai shprehu se vaksina do të lehtësonte presionin mbi sistemet shëndetësore dhe do të zvogëlonte numrin e vdekjeve, por ai paralajmëroi se virusi do të jetë  akoma duke lëvizur nëpër hapësirë.

Ai vuri në dukje se, edhe me vaksinën, do të jetë e rëndësishme të vazhdohet zbatimi i masave ekzistuese të tilla si kufizimi i kontaktit, testimit, monitorimit dhe izolimit./arbresh.info/