Arsenali ka arritur të mposhtë Molden në “Emirates” me rezultat 4 – 1, ndeshje e vlefshme për fazën e grupeve të Ligës së Evropës.

“Topçinjtë” ishin duke humbur me rezultat 0 – 1, por arritën ta përmbysin për të siguruar pikët e plota, shkruan lajmi.net.

Ellingsen në minutën e 22-të kaloi mysafirët në epërsi, derisa Haugen shënoi autogol në minutat shtesë për t’i barazuar shifrat (45+1).

Mysafirët përsëri realizuan autogol me anë të Sinyan (62′), gjë që bëri që vendasit të kalojnë në epërsi për herë të parë në ndeshje.

Kurse, golin e tretë e shënoi Nicolas Pepe në minutën e 69-të pas asistimit të bukur nga Bukayo Saka dhe Willock vulosi fitoren e skuadrës londineze (88′).

Pas kësaj fitore, Arsenali renditët në pozitën e parë me nëntë pikë, tri më shumë se Molde që renditët në pozitën e dytë.