Në shtëpinë e ish-zëdhënësit të UÇK-së, Jakup Krasniqi, po vazhdojnë të qëndrojnë hetuesit e Speciales dhe EULEX-it.

Bastisjet dhe intervistimet aty kanë filluar qysh para orës 06:00 të mëngjesit, teksa avokati i Krasniqit, Valon Hasani ka thënë se arsye e këtyre zhvillimeve është aktakuza e konfirmuar kundër ish-zëdhënësit të Ushtrisë Çlirimtare.

Madje ai ka shtuar se Krasniqi pritet që sot të dërgohet në Hagë.

E në lidhje me këtë Prokuroria e Specializuar të Hagës ka dhënë detaje. Këta të fundit në një përgjigje dhënë kanë thënë se çështja e konfirmimit ose jo të aktakuzës i takon gjykatës.

“Puna e Gjykatësit të Procedurës Paraprake i takon Dhomave të Specializuara të Gjykatës, jo prokurorisë. Unë s’mund të jap komente në lidhje me këtë çështje. Kolegët e mi në dhomat e Specializuara të Gjykatës mund të ndihmojnë në këtë çështje”, ka thënë për lajmi.net zëdhënësi i Dhomave të Specializuara të Prokuroriosë, Christopher Bennet.

Hetuesit e EULEX-it ndërkaq po qëndrojnë ende edhe në shtëpinë e Krasniqit në Negroc të Drenasit.

Arbresh.info, do iu mbajë të informuar gjatë gjithë kohës për zhvillimet më të fundit nga ky aksion. /Arbresh.info/

Mbi gjashtë orë bastisja në dy shtëpitë e Jakup Krasniqit