Komuna e Gjilanit i ka bërë të gjitha përgatitjet sipas planit kontingjent për furnizim me ushqim dhe barëra për familjet me gjendje të rëndë sociale, në kuadër të kujdesit për përballimin e fazës së dytë të COVID-19.

Kështu ka thënë përmes një postimi i pari i Gjilanit, Lutfi Haziri, derisa ka treguar gjendjen momentale me koronavirus në këtë komunë.

Ky është postimi:

Sipas rekomandimeve të Komitetit për parandalimin e përhapjes së COVID-19, në mbledhjen e bordit të drejtorëve, kemi diskutuar edhe për masat e reja anti-COVID-19, të cilat do të zbatohen në përputhje me vendimin qeveritar.Apeloj qytetarët që të vazhdojnë t’i përmbahen rekomandimeve kundër përhapjes së virusit, siç është mbajtja e maskës, ruajtja e distancës sociale dhe pastrimi i duarve.Gjendja e përgjithshme me COVID-19 në Gjilan është si vijon: 1467 të infektuar në total, 1182 të shëruar, 48 të vdekur, 237 raste aktive, 21 të hospitalizuar dhe 208 mostra në pritje për rezultat./arbresh.info/