Tre shkencëtarë që zbuluan virusin Hepatiti C kanë fituar Çmimin Nobel në 2020 për Mjekësi.

Fituesit janë shkencëtari britanik Michael Houghton dhe studiuesit amerikanë Harvey Alter dhe Charles Rice, shkruan BBC, transmeton portal arbresh.info

Komiteti i Çmimit Nobel tha se zbulimet e tyre “shpëtuan miliona jetë”.

Virusi është një shkak i zakonshëm i kancerit të mëlçisë dhe një arsye kryesore pse njerëzit kanë nevojë për një transplant të mëlçisë.

Në vitet 1960, ekzistonte shqetësimi i madh se njerëzit që merrnin gjak të dhuruar po merrnin hepatit kronik (inflamacion të mëlçisë) nga një sëmundje e panjohur, misterioze. Komiteti i Çmimit Nobel tha se një transfuzion gjaku në atë kohë ishte si “ruletë ruse”.

“Për herë të parë në histori, sëmundja tani mund të shërohet, duke rritur shpresat për zhdukjen e virusit të Hepatitit C nga bota,” tha komiteti i çmimit.

Sidoqoftë, virusi ende infekton 70 milion njerëz në vit dhe vret rreth 400 mijë./arbresh.info/