Presidenti i Republikës së Kosovës, Hashim Thaçi, gjatë ditës së sotme ndau medaljen e “Urdhrit të Lirisë”, për presidentin amerikan, Donald Trump, e me këtë ka reaguar djali i këtij të fundit, Donald Trump Jr.

Përmes llogarisë së tij në Twitter ai shkroi se paqja në botë po arrihet për shkak të punës dhe përkushtimit të presidentit Donald Trump.

“Kosova e dekoron Trump me medaljen e Urdhrit të Lirisë për shkak të përpjekjeve të arritjes së paqes”, shkroi Trump Jr.

Ndarja e këtij çmimi vjen si rezultat i arritjes së marrëveshjes ekonomike në mes të Kosovës dhe Serbisë, të udhëhequr nga SHBA-ja.

I pari i shtetit të Kosovës në letrën drejtuar presidentit Trump, deklaroi se kjo marrëveshje nuk do të ishte e mundur pa udhëheqjen e fuqishme të tij dhe të Shteteve të Bashkuara të Amerikës.

https://twitter.com/DonaldJTrumpJr/status/1306958341231476743?ref_src=twsrc%5Etfw%7Ctwcamp%5Etweetembed%7Ctwterm%5E1306958341231476743%7Ctwgr%5Eshare_3&ref_url=https%3A%2F%2Ftelegrafi.com%2Fdjali-trump-kosova-e-dekoroi-babin-medaljen-e-urdhrit-te-lirise-per-shkak-te-perpjekjeve-te-arritjes-se-paqes%2F

https://www.facebook.com/HashimThaciOfficial/posts/4352550861481906