Atletico Madrid-i ndoshta në muajin e ardhshëm mund të shkëmbejë mesfushorin Thomas Partey me sulmuesin e Juventus-it, Federico Bernardeschi.

Sipas Tuttosport, 27-vjeçari shihet si lojtari ideal që të përforcojë mesfushën e “Bianconerëve”, ngase e kanë të pamundur transferimin e Paul Pogba-s, i cili mund të largohet nga United-i vetëm nëse shkëmbehet me Paulo Dybala-n, transmeton portali arbresh.info.

Nga ana tjetër, Partey është duke kërkuar largimin nga Atletico dhe gjiganti italian është i gatshëm të sakrifikojë mesfushorin Federico Bernardeschi.

Ish ylli i Fiorentina-s e ka impresionuar Diego Simeone-n në verën e kaluar dhe mund ta pranojë këtë shkëmbim.

Juventus-i para disa muajve shkëmbeu Arthur me Miralem Pjanic dhe synon ta bëjë një tjetër shkëmbim.

Vlen të ceket se i interesuar për shërbimet e Partey mbetet edhe Arsenal-i, të cilët ende s’kanë vendosur t’ia paguajnë klauzolën e blerjes për 50 milionë euro./arbresh.info.