Haradinaj mirëpret ftesën e Grenellit, fton Hotin të ketë qasje serioze

20:17 | 14 Gusht 2020
Arbresh.info

Ish-kryeministri Ramush Haradinaj, e ka mirëpritur ftesën për takim në Shtëpinë e Bardhë më 2 shtator të palës kosovare dhe asaj serbe.

Haradinaj ka kërkuar madje nga Kryeministri Avdullah Hoti, që kësaj here të ketë qasje serioze për të ruajtuar momentumin e lidershipit amerikan.

”E mirëpres ftesën e të Deleguarit Special të Presidentit Trump për takim në Washington me 2 shtator mes Kosovës dhe Serbisë. Takimi i këtij niveli është mëse i mirëpritur dhe i bëj thirrje Kryeministrit Hoti që këtë herë të ketë qasje serioze në menaxhim dhe në format të temave dhe takimit duke e ruajtur momentumin e lidershipit amerikan.

Shtetet e Bashkuara të Amerikës janë e vetmja garancë në arritjen e marrëveshjes përfundimtare mes Kosovës dhe Serbisë, për njohje reciproke në kufijtë ekzistues duke ruajtur karakterin unitar të shtetit”, tha ai.