Organizata për Rritjen e Cilësisë në Arsim – ORCA akuzon Këshillin Drejtues të Universitet të Prishtinës (UP) se po zvarrit procesin e zgjedhjes së Rektorit të UP-së.

Përmes një reagimi për media, thotë se sot është dashur të intervistohen kandidatët për Rektor të UP-së, mirëpo një gjë e tillë nuk ka ndodhur.

ORCA, shpreh shqetësimin e saj me mos-përpikërinë e Këshillit Drejtues dhe e vlerëson këtë si një manovër për të hedhur mjegull mbi proces dhe që me metoda klandestine të bëhet i mundur kandidimi i personave jo-kredibil të dirigjuar nga partitë politike.

“ORCA është e shqetësuar me mos-përpikërinë e Këshillit Drejtues dhe e vlerëson këtë si një manovër për të hedhur mjegull mbi proces, në ndërkohë që me metoda klandestine të bëhet i mundur kandidimi i personave jo-kredibil të dirigjuar nga partitë politike. Shtyrja dhe tej zgjatja e proceseve, për të pritur deri sa të zgjidhet kandidati i caktuar, apo të digjet në afat i tërë procesi, janë praktika korruptive mjaft të njohura në Kosovë”, thuhet në reagim.

Sipas kësaj organizatë, komisioni profesional për verifikimin e kandidatëve për Rektor, i emëruar nga organi më i lartë akademik në UP – Senati, ka dhënë vendim profesional dhe të arsyetuar mirë për kandidatët që ia ka propozuar Këshillit Drejtues.

Kjo organizatë i bën thirrje Agjencisë Kosovare Kundër Korrupsion (AKK)  që të jap përgjigjen e duhur sa më shpejtë që është e mundur./arbresh.info/

Njoftimi i plotë:

VONESA TË PANEVOJSHME NË PROCESIN E ZGJEDHJES SË REKTORIT TË UP-SË

Sot me datë 29.07.2020 sipas kalendarit të procesit zgjedhor në Universitetin e Prishtinës, Këshilli Drejtues i UP-së është dashur të realizoj intervistë me kandidatët për Rektor të UP-së të propozuar nga komisioni profesional i Senatit. Kjo gjë nuk ka ndodhur.

ORCA është e shqetësuar me mos-përpikërinë e Këshillit Drejtues dhe e vlerëson këtë si një manovër për të hedhur mjegull mbi proces, në ndërkohë që me metoda klandestine të bëhet i mundur kandidimi i personave jo-kredibil të dirigjuar nga partitë politike.

Shtyrja dhe tej zgjatja e proceseve, për të pritur deri sa të zgjidhet kandidati i caktuar, apo të digjet në afat i tërë procesi, janë praktika korruptive mjaft të njohura në Kosovë.

Komisioni profesional për verifikimin e kandidatëve për Rektor, i emëruar nga organi më i lartë akademik në UP – Senati, ka dhënë vendim profesional dhe të arsyetuar mirë për kandidatët që ia ka propozuar Këshillit Drejtues.

I bëjmë thirrje të gjitha organeve të përfshira, sidomos Agjencisë Kosovare Kundër Korrupsion që të jap përgjigjen e duhur sa më shpejtë që është e mundur. Në këtë mënyre pamundësohet prolongimi dhe sabotimi i zgjedhjes meritokratike të Rektorit të ri.