Basketbollisti i Los Angeles Lakers, J.R. Smith, ka bërë të ditur se ai i ka marrë vetëm 7 palë brekë në NBA Bubble dhe thotë se shumë shpejt e kuptoi se aq nuk ishin të mjaftueshme. Tifozët e kanë theksuar se si ai i ka fituar 80 milionë dollarë deri më tani në karrierë dhe prapëseprapë s’ka blerë mjaftueshëm brekë.

Të gjithë lojtarët dhe stafi i 22 klubeve të NBA që do ta rinisin sezonin 2019/20 janë izoluar nga pjesa tjetër e botës duke qëndruar në kompleksin Ealt Disney World në Orlando, që po quhet NBA Bubble, dhe ku do të qëndrojë deri në fund të sezonit.

“Mendova se do të më mjaftonin një palë për një ditë. Por, unë nuk e kisha menduar se sa herë bëjmë dush mes aktiviteteve të ndryshme që i bëjmë brenda ditës”, tha Smith në një intervistë të dhënë për Spectrum SportsNet.

Smith, i cili sapo i është bashkuar Los Angeles Lakers, thotë se lojtarët kanë qenë duke bërë aktivitete të shumta përveç stërvitjeve normale me skuadrën dhe tani ka filluar t’i bëhet problem mungesa e brekëve.

“Unë po i përdor të gjithë brenda 2 apo tre ditëve”, shtoi J.R.

Megjithatë, Smith shtoi se NBA u ka ofruar basketbollistë pastrim të shpeshtë të rrobave dhe thotë se deri më tani ka arritur ta përballojë mungesën e më shumë palëve të brekëve duke i pastruar më shpesh rrobat.

Kjo deklaratë e Smith është komentuar shumë në rrjete sociale, pasi që tifozët e NBA e kanë theksuar se Smith i ka fituar rreth 80 milionë dollarë gjatë karrierës së tij. /Gazeta Express/

J.R. says he didn’t pack enough underwear for the bubble ??https://t.co/TxIxEnAGy8 pic.twitter.com/jMbEnS8OwR

— Silver Screen & Roll (@LakersSBN) July 22, 2020