Ministria e Infrastrukturës ka njoftuar se rruga Prizren-Prevallë është mbyllur për qarkullim për të gjitha automjetet.

Sipas njoftimit të kësaj ministrie, kjo rrugë do të mbyllet nga nesër (2 korrik).

Mbyllja e këtij aksi rrugor po bëhet me qëllim të evitimit të rrezikut nga rrëshqitjet e vazhdueshme të dheut dhe gurëve./arbresh.info

Njoftimi i plotë:

Ministria e Infrastrukturës, njofton qytetarët e Republikës së Kosovës, se një pjesë e rrugës rajonale R-115 Prizren – Prevallë, nga fshati Gornje Sello deri në Prevallë (tek hotel Sharri), do të jetë e mbyllur për qarkullim të të gjitha automjeteve, nga 2 korriku 2020 (e enjte).

Mbyllja e këtij aksi rrugor po bëhet me qëllim të evitimit të rrezikut nga rrëshqitjet e vazhdueshme të dheut dhe gurëve.

Luten të gjithë qytetarët që të udhëtojnë për në këtë destinacion nga rrugët e tjera ekzistuese.

Ministria e Infrastrukturës dhe organet e tjera kompetente janë duke u marrë me analizimin e situatës në këtë rrugë dhe për çdo zhvillim, qytetarët do të njoftohen me kohë.