Bujar Ejupi është zgjedhur në krye të Autoritetit të Aviacionit Civil të Kosovës.

Kështu u vendos sot në mbledhjen e Qeverisë së Kosovës, shkruan arbresh.info.

Ministri i Infrastrukturës, Arban Abrashi, teksa lexoi emrat që kanë qenë në këtë garë tha se propozimi i tij është që Bujar Ejupi të emërohet drejtor i përgjithshëm të Autoritetit të Aviacionit Civil të Kosovës.

“Në listë kanë qenë Ersen Shileku, Petrit Mehmeti, Bujar Ejupi dhe Arianit Islami, i cili deri më tani ka ushtruar detyrën e drejtorit të këtij institucioni.
Bazuar në kualifikimet e kërkuara për këtë pozitë unë i rekomandoj Qeverisë së Kosovës që për pozitën e drejtorit të përgjithshëm të emërohet Bujar Ejupi”, ka
thënë Abrashi.

Ky propozim mori të gjithë votat për, asnjë kundër, dhe asnjë abstenim./arbresh.info/