Gjatë vitit që lamë pas në Kosovë janë regjistruar mbi 355 mijë mjete motorike dhe jomotorike.

Në 2019-en sipas raportit “Statistikat e Transportit dhe Telekomunikimit” të publikuar nga Agjencia e Statistikave të Kosovës (ASK) ky numër është rritur për 3.54% në krahasuar me vitin 2018, shkruan arbresh.info.

Nga të gjitha llojet e mjeteve motorike dhe jomotorike, numri më i madh është i veturave ose saktësisht  291,295 vetura.

Gjithashtu janë regjistruar 2,135 autobusë e 2,087 motoçikleta.

Edhe numri i mjeteve të punës nuk është i vogël, janë regjistruar 1,851 traktorë dhe rreth 1 mijë rimorkio të dy llojeve.

Ndryshe sipas të dhënave të prezantuara në vitin 2019 në territorin e Kosovës kishte 2,311.7 km rrugë, ku në kategorinë e rrugëve Auto udhë janë 5.9%, Nacionale 28.8% ndërsa 65.3% janë rrugë Regjionale.

Nga gjithsej  2,311.7 km rrugë, 2,210.7 km apo shprehur në përqindje 95.6% janë rrugë të asfaltuara, ndërsa 101 km apo 4.4 % e rrugëve janë të pa asfaltuara./arbresh.info/