Nga kabineti i zv/kryeministrit Musa Xhaferi, ekskluzivisht për Agjencinë e Lajmeve “Zhurnal”, edhe zyrtarisht kanë demantuar informacionin që u publikua në disa portale, për kinse shpërthim të një lënde eksplozivi në shtëpinë familjare të zëvendëskryeministrit Xhaferi.

Muhamed Hoxha, zëdhënës i Qeverisë së Republikës së Maqedonisë, në një prononcim ekskluziv për Agjencinë e Lajmeve “Zhurnal”, thotë se shpërthimi ka ndodhur në një vetur në lagjen “Xhon Kenedi”, ku dhe ndodhet shtëpia e zëvendëskryeministrit Xhaferi, por shpërthimi nuk ka të bëjë me këtë të fundit.

Ndryshe, detonimi është dëgjuar në lagjen Tophanë të Shkupit, konkretisht në oborret e shtëpive të personit Premtim Reka (27.05.1966) dhe Rexhep Shurdhani (10.01.1942).

Jo zyrtarisht, bomba është hedhur nga një veturë në lëvizje, ndërkohë që informatat e para flasin se nuk ka asnjë të lënduar.

Ekipet e policisë dhe krim-teknikës tashmë po hetojnë vendin dhe mjetin shpërthyes, ndërkohë që në vendngjarje është edhe përfaqësuesi i prokurorisë publike.