Aaron Ramsey ka thënë se ndihet shumë mirë dhe se me Juventusin mezi po presin të rifillojë Serie A edhe pse me dyer të mbyllura.

Ramsey ka qenë i bllokimin nga coronavirusit në Itali dhe nuk ka pasur mundësi të kthehet në shtëpinë e tij në Uells.

“Ndihem shumë mirë. Ne jemi përsëri në fushë dhe ka qenë e shkëlqyeshme. Italia bëri bllokimin herët, kështu që vendosa të qëndroj këtu”.

“Karantina nuk ishte e lehtë, nuk ishte e lehtë të qëndroja brenda, por për fat të mirë isha me familjen time, gjë që zakonisht nuk mund ta bëj kur jemi duke luajtur”.

“Jam i lumtur për rinisjen e sezonit. Unë mendoj se, në përgjithësi, Italia është përpjekur t’i përgjigjet pandemisë sa më mirë”.

“Unë besoj se të gjitha hapat e ndërmarrë kanë qenë të duhurat dhe tani gjithçka po kthehet në normalitet”.

“Është e drejtë që ne të fillojmë përsëri. Ne jemi të lumtur që do të rikthehemi, duke ndjekur protokollet e sigurisë, dhe mezi presim të fillojmë përsëri edhe pse me dyer të mbyllura dhe pa tifozë”.

“Ne do të mendojmë për përfundimin e sezonit dhe pastaj do të shohim se çfarë do të ndodhë”, ka thënë uellsiani për Sky Sport Italia. /Telegrafi/