Legjenda e Manchester United, Edwin Van der Sar, ka këshilluar klubin të bëjnë edhe dy ose tri transferime në mënyrë që të garojnë me Liverpool e Manchester City.

“Djajtë e Kuq” momentalisht janë në pozitën e pestë në tabelë dhe synojnë të hyjnë në top katër, në mënyrë që të luajnë në Ligën e Kampionëve, transmeton portali arbresh.info.

Legjenda holandeze ka kërkuar nga United të transferojë dy ose tre lojtarë, në mënyrë që të përforcohen edhe më shumë.

“Periudha nën Solskjaer është e mirë, mendoj se në nëntë javët e fundit, janë duke luajtur edhe më mirë”.

“Pikët janë duke i fituar. Kanë rezultate të mira kundër skuadrave të mira. Sigurisht, shpresoj që liga të vazhdojë sepse më shumë mundësi do arrijnë të jenë në Ligën e Kampionëve”.

“Mendoj se gjëja kryesore është të fokusohen në sezonin e ardhshëm dhe të transferojnë dy ose tre lojtarë, do të jenë në garë kundër Liverpool dhe Manchester City”, deklaroi ai.

Në listën e United për transferimet e verës ndodhen lojtarët, si Jadon Sancho, Jack Grealish dhe Jude Bellingham./arbresh.info.