Vasili: Karantina dhe pandemia po përdoren për të grabitur Teatrin Kombëtar

23:56 | 8 Maj 2020
Arbresh.info

Nënkryetari i LSI Petrit Vasili ka deklaruar se karantina dhe pandemia do përdoren për të grabitur e rrëmbyer Teatrin Kombëtar.

Teksa poston vendimin që ky objekt i kalon në pronësi Bashkisë së Tiranës, Vasili shkruan se shëndeti i njerëzve po përdoret si alibi për vjedhjen e pronës publike.

“Karantina dhe Pandemia po përdoren për te grabitur e rrëmbyer Teatrin Kombetar! Qeveria kuislinge dhe spekullante e zeze grabit Godinen e Teatrit Kombetar.

Fletorja Zyrtare gropa e riciklimit te korrupsionit gjigand qeveritar formalizon rrembimin e Teatrit nga Bashkia kusare e Tiranes.

Cdo reagim, proteste, refuzim demostrim ne cdo forme eshte legjitim. Pandemia dhe karantina politike po perdoren per te mbuluar grabitjet e medha qeveritare.

Shendeti i njerezve po perdoret si alibi per vjedhjen e prones publike. Ja vendimi i vjedhjes ne Fletoren Zyrtare”, shkruan Vasili.