Kryetarja e Kuvendit të Kosovës, Vjosa Osmani, ka publikuar telegram ngushëllimin që ia ka dërguar sot familjes Musliu që humbi djalin ditën e djeshme.

Osmani në telegram ngushëllim thotë se me dhimbje të madhe e ka marrë lajmin për vdekjen e Agonit.

“Vdekja e Agonit, në lulen e rinisë, është ngjarje e trishtë, e cila I ka prekur zemra e çdo qytetari të vendit dhe e ka pllakosur Kosovën në zi. Ajo ndodh në një kohë të rëndë për të gjithë ne, në rrethana të pasqaruara plotësisht. Unë shpresoj se organet e drejtësisë do të punojnë në zbardhjen e shpejtë të rrethanave të kësaj vdekjeje tragjike” ka thënë Osmani.

Telegrami i plotë i Osmanit pa ndërhyrje:

“E dashur familje Musliu,

Lajmin për humbjen e jetës së më të dashurit tuaj, Agonit, e ka pranuar me dhimbje të madhe. Prandaj, më lejoni që si qytetare e këtij vendi, si nënë dhe udhëheqëse e Kuvendit të Kosovës, ta ndaj me ju dhimbjen e thellë për vdekjen e parakohshme të tij.

Vdekja e Agonit, në lulen e rinisë, është ngjarje e trishtë, e cila I ka prekur zemra e cdo qytetari të vendit dhe e ka pllakosur Kosovën në zi. Ajo ndodh në një kohë të rëndë për të gjithë ne, në rrethana të pasqaruara plotësisht. Unë shpresoj se organet e drejtësisë do të punojnë në zbardhjen e shpejtë të rrethanave të kësaj vdekjeje tragjike.

Si Kuvend i Kosovës ne do të mbështesim ҫdo nismë për hetim të pavarur e profesional, i cili do ta zbardhte përfundimisht gjithë ҫfarë ka ndodhur me familjarin tuaj pas kthimit të tij në atdhe.

Dr. Vjosa Osmani, kryetare e Kuvendit”, thuhet në telegram.