Më shumë se 7,000 persona kanë ndërruar jetë pasi janë infektuar me koronavirus në Belgjikë.

“Gjithsej 7,094 persona kanë vdekur, kjo erdhi pas një rritje të numrit të viktimave 178 të vdekur brenda 24 orëve,” thuhej në një komunikatë.

“Prej këtyre 178 të vdekur, 75 kanë qenë të hospitalizuar kurse 103 të tjerë kanë qenë në shtëpi kujdesi.”

Autoritetet e Shëndetit të Belgjikës kanë thënë se numri i të pacientëve të shtrirë në spital është duke “rënë ngadalë”, pasi 204 pacient janë pranuar në spital gjatë 24 orëve të fundit, kurse numri i përgjithshëm i pacientëve të pranuar në spital që nga shpërthimi i pandemisë në vend është 3,956.

Numri i pacientëve në kujdesin intensiv është 891, me 43 pacient gjatë 24 orëve të fundit.

Brenda 24 orëve në Belgjikë janë raportuar 809 raste, kurse numri i përgjithshëm i të infektuarve është 46,134./arbresh.info/