Reperi Stresi ishte pjesë e “Ftesë në 5” me Bieta Sulon, bashkë me mamanë, nga ku treguan eksperiencat e këtyre ditëve në karantinë.

Ai ka treguar gjithmonë edhe në projekte muzikore se ajo është dashuria më e madhe që Stresi ka, duke zbuluar dhe sa i lidhur është me të. Së fundmi mamaja e Stresit ka treguar krah tij se si kanë qenë këto kohë për të dhe djalin i cili ka treguar se do të sjellë vetëm hite në muzikë.

E pyetur nga Bieta nëse do donte ta shihte Stresin të martuar, Shpresa tha se nuk ndërhyn shumë në këto punë, por pranoi se për Kejsin gëzon shumë respekt.

“Dëshira ime është ta shoh të martuar, me fëmijë e të lumtur. Dëshira ime është ajo që mendojnë të gjithë për Stresin. Unë me Kejsin kam pas marrëdhënie tjetër, Stresi ka pas marrëdhënien e vet. Nuk i ndërhyj asnjërit, unë do ruaj gjithnjë ndjesitë e mia, respektin që më ka dhënë Kejsi”, tha ndër të tjera ajo.