Kryetari i Komunës së Rahovecit, Smajl Latifi, ka bërë të ditur se 24 personat nga kjo komunë të cilët kishin kontakt me shitësin e fidaneve nga Malisheva të infektuar me koronavirus kanë dalur negativ.

Përmes, një postimi në profilin e tij në Facebook, Latifi ka shkruar se për këtë lajm sapo është njoftuar nga IKSHPK-ja.

Postimi i tij i plotë:

RAHOVECI VAZHDON TË MBETET I PAPREKUR NGA COVID-19

Të nderuar qytetarë,

Sapo jam informuar se nga 24 mostrat e marra nga IKSHP, qytetarët e Krushës së Madhe me rrethinë, që kanë qenë të vetizoluar pas kontaktit me shitësin e fidaneve nga komuna e Malishevës, i infektuar me koronavirus, të gjithë kanë rezultuar NEGATIV. Pra, deri më tani nuk kemi asnjë rast me COVID-19 pozitiv në komunën tonë.

Faleminderit të gjithëve për vetëdijen e lartë që po e dëshmoni në këtë kohë kritike, poashtu, falënderoj ISHPK-në dhe drejtorin z.Naser Ramadani për përkrahjen dhe bashkëpunimin!

Bashkë, me vetëdije të lartë dhe përgjegjësi kolektive, jam i sigurt se do t’ia dalim, siç ia kemi dalur në kohëra të vështira!

Gjithçka varet nga ju të dashur qytetarë!

#RRINËSHTËPI

SL