“Virusi mposhtet me metodën Sachi”, Rama në faqen e parë të gazetës italiane, përkrah Ronaldo-s

11:01 | 31 Mars 2020
Arbresh.info

Ditën e sotme, në faqen e parë të gazetës sportive italiane “Tuttosport” gjendet një foto e kryeministrit shqiptar Edi Rama dhe Cristiano Ronaldo-s.

Krahas fotos, në titullin kryesor të gazetës citohet një fjali e Ramës: Jam tifoz me Italinë dhe Juventusin.

Kryeministri i vendit dha për gazetën sportive një intervistë të shkurtër, dy minuta e 20 sekonda ku tema kryesore ishte dërgimi i 30 mjekëve dhe infermierëve në Itali, për të përballuar emergjencës e koronavirusit.

“Ne ndihemi pjesë e shtetit tuaj. Virusi mposhtet me metodën Sachi (ish-trajner i Milan-it). Të mëdhenjtë vendosen në shërbim të grupit. Ronaldo dhe Buffon-i janë njerëz që i admiroj sepse kanë një shpirt të madh”, tha Rama për “Tuttosport”./TCH