Një numër i madh i klubeve nga Liga Premier po planifikojnë t’i lirojnë disa lojtarë nga kontrata shkaku i coronavirusit që është përhapur nëpër botë.

Pandemia botërore jo vetëm që ka ndaluar çdo aktivitet sportiv, tani po ndikon edhe në financat e klubeve në ligat e ndryshme evropiane.

Sion njofto dje se ka liruar nëntë lojtarë shkaku i krizës financiare që pritet ta përfshijë klubin, andaj nuk duan të rrezikojnë më shumë.

Një hap të tillë pritet të ndjekin edhe klubet nga liga angleze, që po përballen me humbje financiare qysh nga tani shkaku i ndërprerjes së ndeshjeve.

SunSport raport se klubet nuk janë duke përfituar të ardhura më nga të drejtat televizive dhe nga pjesë të tjera të marketingut.

Nga kjo gjë, ata janë të detyruar të largojnë një pjesë të lojtarëve, e që aty do të jenë edhe një pjesë e stafit të klubit.