Këshilli Gjyqësor i Kosovës (KGJK) ka marrë vendim që të reduktohen esencialisht të gjitha aktivitetet në kuadër të Këshillit Gjyqësor të Kosovës dhe të gjitha Gjykatat e Kosovës.

Ky vendim i KGJK-së është bërë i ditur sot përmes një njoftimi për media, pas raportimit për 5 raste pozitive me Koronavirus në Kosovë.

Po ashtu në vendimin e nxjerr nga KGJK kërkohet që  kryetarët e Gjykatave të caktojnë gjyqtarët dhe stafin administrativ të mjaftueshëm për të kujdestaruar dhe realizuar vetëm veprimtaritë e natyrës urgjente, ato të caktimit të masave për sigurimin e prezencës së të pandehurve-paraburgimit apo masave tjera, rastet e dhunës në familje, masave tjera si dhe rasteve tjera urgjente që eventualisht mund të paraqiten./arbresh.info

Vendimi i plotë:

KËSHILLI GJYQËSOR I KOSOVËS (KGJK), në bazë të nenit 108 të Kushtetutës së

Republikës së Kosovës, nenit 7 të Ligjit Nr. 06/L-055 për Këshillin Gjyqësor të Kosovës, si dhe

në pajtim me vendimin e Qeverisë së Republikës së Kosovës për marrjen e masave pas konfirmimit të rasteve pozitive me Corona Virus Covid-19, me datë 15 mars 2020, nxjerr këtë:

V E N D I M

1. Reduktohen esencialisht të gjitha aktivitetet në kuadër të Këshillit Gjyqësor të Kosovës dhe

të gjitha Gjykatat e Kosovës.

1. Kryetarët e Gjykatave të caktojnë gjyqtarët dhe stafin administrativ të mjaftueshëm për të

kujdestaruar dhe realizuar vetëm veprimtaritë e natyrës urgjente, ato të caktimit të masave

për sigurimin e prezencës së të pandehurve-paraburgimit apo masave tjera, rastet e dhunës

në familje, masave tjera si dhe rasteve tjera urgjente që eventualisht mund të paraqiten.

III. Autorizohet Drejtori i Përgjithshëm i Sekretariatit të Këshillit Gjyqësor të Kosovës të

reduktojë esencialisht stafin në zyre dhe të realizojnë vetëm veprimtaritë esenciale

administrative në kuadër të Sekretariatit.

1. Në të gjitha rastet kur është e mundur dhe e lejuar me ligj, të punësuarit e sistemit Gjyqësor

aktivitetet dhe punën e tyre t’i realizojnë nga vendet e tyre të banimit përmes formave të

ndryshme të komunikimit elektronik.

1. Masat e theksuara në këtë vendimi do të vlejnë deri në një vendim të ri të Këshillit Gjyqësor

të Kosovës.

2020. Ky vendim hyn në fuqi me datën 16 mars 2020.