Drejtori i Burgut të Shkupit Esad Rahiq, në një intervistë për “Utrinski Brifing” ka folur rreth gatishmërisë së këtij institucioni për t’u përballur me coronavirusin.

Rahiq tha se ka folur me ministrin e Shëndetësisë Venko Filipçe, para se të paraqitet rasti i parë, përcjell Telegrafi Maqedoni.

“Nga përvoja që kam, para se të paraqitet pacienti i parë u dëgjova me ministrin Filipçe dhe konstatuam se nuk është pyetja nëse do të paraqitet virusi, por kur. Ata u përgjigjën shpejtë dhe na dërguan materiale për parandalim”, tha Rahiq.

Ai shtoi se në bashkëpunim me Drejtorinë për Sanksione është rritur niveli i mbrojtjes, por shtoi se edhe pse çdo i burgosur kontrollohet nga mjekët, në këto rrethana nuk është e mjaftueshme.

Ndërsa sa i përket ndalimit të vizitave, Rahiq tha se për kjo duhet të ngritet në nivel më të lartë dhe të vendoset.

“Jemi në komunikim të vazhdueshëm me organet kompetente. E reduktojmë numrin e vizitave. Por në një sistem të këtillë, nëse paraqitet coronavirusi, nuk dua ta mendoj çfarë do të ndodhte”, tha Rahiq.