Ish kryeministri i Kosovës, Ramush Haradinaj, përsëri ka reaguar rreth heqjes së taksës.

Haradinaj përmes një postimi në rrjetet sociale, ka deklaruar se ofertimi i heqjes së taksës 100% pa kontratën finale për njohje reciproke, ka filluar të prodhoj pasojat e para, shkruan portali arbresh.info

Gjithashtu ai ka kërkuar dorëheqjen e ministrit për Integrime Evropiane, Blerim Reka, i cili, sipasaj Haradinajt, me ofertën e tij po i hap rrugën Serbisë të hyj në Shqipëri.

Postimi i tij i plotë:

Tashmë, ofertimi i heqjes së taksës 100% nga Qeveria Kurti pa kontratën finale për njohje reciproke në kufijtë ekzistues po prodhon pasojat e para.

Ministri i Integrimeve Europiane Z. Reka paska propozuar kompromisin me Serbinë e që është dhënia e korridorit të tranzitit për në Adriatik apo kthimi i Kosovës në Serbi dhe hapja e rrugës që Serbia të futet edhe në Shqipëri. Kjo ofertë e dytë shkatërruese i mundëson Serbisë që të futet në shqiptari dhe të realizojë ëndrrën e tyre shekullore për të pushtuar tokat e arbërit.