Sigal Prishtina ka arritur që të triumfojë në ndeshjen hapëse në Ligën Ballkanike drejt mbrojtjes së titullit, duke mposhtur Beroen me rezultat 80-73.

Ndeshja u zhvillua e balansuar nga fillimi i takimit, me vendasit që kishin epërsi të lehtë.

Megjithatë, klubi kosovar u tregua më i mirë në pjesën e dytë dhe kjo ishte vendimtare që Sigal Prishtina të fillojë mbrojtjen e titullit të kampionit të Ballkanit me fitore, transmeton Telegrafi.

Më i miri te Prishtina ishte El-Kamin i cili shënoi 21 pikë, i pasuar nga Abukar i cili shënoi 16 pikë.

Te bullgarët shkëlqyen Zhelev dhe Gary me nga 14 pikë, por që kjo ishte e pamjaftueshme.

Prishtina kështu e nis në mënyrën më të mirë të mundshme aventurën në këtë sezon në Ligën Ballkanike, drejt mbrojtjes së trofeut fituar sezon më parë.