Shefi i Odës Ekonomike të Kosovës, Berat Rukiqi, thotë se së bashku me bizneset do t’i ofrojnë institucioneve të reja partneritet të qëndrueshëm për zhvillimin e vendit.

“Pa partneritet me Qeverinë dhe Parlamentit është i pamundur, pasi bizneset janë shtyllë e zhvillimit. Qeveria e vendit duhet ta ketë prioritet zhvillimin ekonomik, e kjo garanton pastaj mirëqenie, qeverisje stabile dhe fokus duhet të jetë që të kemi një qasje për të ruajtur fuqinë punëtore, qasje të qartë në politikat e eksportit, të luftohet informaliteti, dhe të qartësohet e ardhmja energjetike”, është shprehur Rukiqi.

Këto komente ai i ka bërë në tryezën e organizuar nga Oda Ekonomike e Kosovës në lidhje me agjencitë shtetërore: Doganën, Administratën Tatimore dhe Agjencinë e Ushqimit dhe Veterinarisë.

Sipas Rukiqit, takimet sikur ky do të jenë të rregullta dhe do të shkojnë edhe duke i selektuar temat./arbresh.info/