“Pengesat” finale që po i përmend nënkryetari i Lidhjes Demokratike të Kosovës, Lutfi Haziri, kanë të bëjnë me kontrollin që Lëvizja Vetëvendosje, konkretisht kryeministri i ardhshëm, Albin Kurti, dëshiron të shtrijë edhe tek ministrat e Lidhjes Demokratike të Kosovës.

LEXO Edhe: Haziri: Ka pengesa tjera në bisedimet me VV’në , jo çështja e Presidentit dhe Ministrive

Kështu merr vesh arbresh.info nga burime brenda LDK-së, duke konfirmuar edhe një herë nënshkrimin e marrëveshjes, të premten.

“Albin Kurti po kërkon kontroll edhe mbi ministrat e LDK-së, në çdo aspekt. Isa Mustafa nuk po e pranon”, është shprehur ky burim.

Takimi i sotëm ndërmjet dy liderëve dhe palëve negociuese pritet të definojë këtë çështje, për t’i hapë rrugë marrëveshjes finale qeverisëse.

LEXO Edhe: Në ditën e “xhuma”, marrëveshja LVV-LDK

Deri më tani palët janë dakorduar për ndarjen e pushtetit. Vetëvendosjes udhëheqë me Kuvendin,  do të këtë kryeministrin, një zëvendëskryeministër dhe katër ministri, ndërsa LDK-ja një zëvendëskryeministër, gjashtë ministri. Në këtë marrëveshje përfshihet edhe posti i Presidentit, por që garantohen vetëm votat e Vetëvendosjes. Në kohën kur në krye të Presidencës vie LDK-ja, me Ministrinë e Brendshme  do të udhëheqë Lëvizja Vetëvendosje./arbresh.info/