Nga një lartësi prej 20 metrave, i riu kosovar që ka ardhur për pushime nga Zvicra, është lënduar sot në orët e para të mëngjesit  në Brezovicë.

Raportohet se ka rënë nga teleferiku, kështu bëjnë të ditur burime të afërta për arbresh.info.

Ende nuk dihet identitetit i tij, i cili kishte shkuar së bashku me shokët e tij për të shijuar pushimin e tyre në Brezovicë.

Stafi mjekësor menjëherë ka mbërritur në stacionin e shpëtimit, e tash po e dërgojnë në Spitalin Rajonal në Ferizaj, mëson arbresh.info.

Dihet se në një qendër skijimi siç është Brezovica, nuk është rasti i parë që janë lënduar pushuesit, por ka pasur raste që kanë shkuar edhe deri në vdekje, shkak i keqmenaxhimit në këtë pjesë dhe dihet se Brezovica paraqet një nga zonat e fundit më të pazhvilluara të skive në Europën Juglindore.