Dy fëmijë nga Kosova kanë humbur jetën të martën në një lum të Francës.

E për këtë ka reaguar edhe kryeministri i Kosovës në detyrë, Ramush Haradinaj, shkruan arbresh.info.

Ai përmes një postimi në facebook ka shkruar se u shpreh ngushëllime familjes për rastin tragjik.

“Tragjike, lajmi për dy fëmijët nga Kosova që humbën jetën aksidentalisht duke rënë në lum në qytetin Montbrison, Loire të Francës.

U shpreh ngushëllimet e sinqerta familjarëve!”, ka shkruar Haradinaj.

Kujtojmë që njëra nga viktimat ishte vajzë e lindur në 2014-en ndërsa vëllai i saj i lindur në 2017-ën. Nëna e fëmijëve ka deklaruar se ishte bërë të ditur se fillimisht në ujë kishte rënë vëllai ndërsa motra e tij ishte mbytur duke u përpjekur ta shpëtoj atë.

Edhe nëna 35 vjeçare kishte hyrë në ujë por nuk kishte arritur t’i shpëtonte./arbresh.info/

Detaje nga mbytja e fëmijëve kosovarë në Francë: Motra u mundua ta shpëtojë vëllanë por u mbyt edhe ajo